Երևանի պետական կամերային երգչախումբ — 30-ամյակի գալա համերգ

Երեք տասնամյակ՝ երաժշտական որոնումների, ստեղծագործական բացահայտումների և բեմական հանդիպումների ճանապարհին։

Երևանի պետական կամերային երգչախումբը հրավիրում է միասին տոնելու իր հիմնադրման 30-ամյակը՝ հոբելյանական գալա համերգով։

Հատուկ այս առիթով պատրաստված համերգային ծրագիրը կներկայացնի հայկական երաժշտության բազմաշերտ աշխարհը՝ Կոմիտասից մինչև մեր օրերի հայ կոմպոզիտորներ՝ համադրելով ավանդույթն ու ժամանակակից երաժշտական մտածողությունը։

Երգչախմբի գեղարվեստական ղեկավար և խմբավար՝ Քրիստինա Ոսկանյան։

Հատուկ հյուրեր՝ Տիգրան Համասյան և Dialog Project։

Մենակատարներ՝
Նելլի Քալաշյան
Ժաննա Դավթյան
Գուրգեն Պողոսյան
Ջեննի Նազարյան

Ծրագրում՝ Կոմիտասի, Էդգար Հովհաննիսյանի, Տիգրան Մանսուրյանի, Արմենուհի Կարապետյանի, Տիգրան Համասյանի և Վահագն Բաբլոյանի ստեղծագործությունները։ Dialog Project-ի մասնակցությամբ կհնչեն «Հով լինի», «Չինար ես», «Կաքավիկ» ստեղծագործությունները։

Համերգը նախատեսված է 6 տարեկանից բարձր հանդիսատեսի համար։

Կազմակերպիչ՝ «Կամերային երաժշտության ազգային կենտրոն»