BAKIAN SINGS AZNAVOUR

Շառլ Ազնավուրին նվիրված վառ և հուզիչ համերգային նախագիծ՝ ֆրանսահայ երգիչ Բաքիանի կատարմամբ։

Ազնավուրի ստեղծագործական մտերմությունը Բաքիանի հետ սկիզբ է առել վերջինիս պատանեկության տարիներին և շարունակվել շուրջ երեք տարի։ Այդ ընթացքում լեգենդար շանսոնյեն նրան է վստահել իր երեք դեռևս չհրապարակված ստեղծագործությունները։ Այս համերգային ծրագրում Ազնավուրի հանրահայտ գլուխգործոցների հետ մեկտեղ կհնչեն նաև Բաքիանին նվիրված երեք երգերը։ Երեկոյի ընթացքում արտիստը կկիսվի դրանց ստեղծման պատմություններով և Ազնավուրի հետ կապված անձնական հուշերով։

Բաքիան՝ վոկալ
Միկաել Սերրա՝ կիթառ
Անտուան Ժերեմիա՝ դաշնամուր

Նախագիծն իրականացվում է Seiya Records և Aznavour pour l’Amour կազմակերպությունների հետ համագործակցությամբ։

Կազմակերպիչ՝ Առնո Բաբաջանյանի անվան համերգասրահ